असार ३२ गतेदेखि एफपीओ निष्काशन गर्दै हिमालयन बैंक
२०८२ असार २४ गते मंगलबार ।
बैंकको खबर । हिमालयन बैंकले असार ३२ गतेदेखि एफपीओ निष्कासन गर्ने भएको छ ।
बैंकले प्रतिकित्ता १५७ रुपैयाँका दरले ९२ लाख ५० हजार ४६९ कित्ता एफपीओ बिक्री गर्न लागेको हो ।
बैंकले संस्थापक संस्थापक र सर्वसाधारण सेयरधनीको सेयर अनुपात ७०ः३० कायम गर्न १ अर्ब ४५ करोड २३ लाख २३ हजार ६३३ रुपैयाँ बराबरको एफपीओ जारी गर्न लागेको हो ।
एफपीओमा न्यूनतम १० कित्ता देखि अधिकतम सम्पूर्ण कित्ताका लागि आवेदन दिन सकिनेछ ।
एफपीओ निष्कासन बन्द छिटोमा साउन ४ गते हुनेछ । सो अवधिसम्म माग भएजति आवेदन नपरेमा निष्काशन अवधि साउन १४ गतेसम्म लम्बिनेछ ।
एफपीओ निष्काशनका लागि गराएको रेटिङ्गमा केयर रेटिङ्ग नेपालले बैंकलाई ‘केयर एनपी ट्रिपल बी इस्यूअर’ रेटिङ्ग प्रदान गरेको छ। जसले बैंकको वित्तीय दायित्व बहन गर्ने क्षमतामा मध्यम जोखिम रहेको संकेत गर्छ ।
बैंकको सेयर निष्काशन तथा बिक्री प्रबन्धक सिटिजन्स क्यापिटल लिमिटेड रहेको छ।
